Ang teoryang Spiral of
Silence ay karaniwang nakikita sa isang grupo na gumagawa ng isang desisyon(University of Twente). Kapag hinihingi na ang opinyon ng bawat isa, hindi maiiwasan na mas mapakinggan ang opinyon ng mas malakas ang boses, mas maayos ang pananalita, at mas may tiwala sa kanyang sinasabi, tama man ito o mali. Samantala, ang taong mahina ang boses, nauutal kung magsalita dahil sa sobrang kaba o sa sobrang pag-iisip kung tama ba o mali ang kanyang sasabihin, at kung siya ba ay papakinggan ng kanyang mga kasama, na kahit may punto ang kanyang sinasabi ay madalas na hindi ito napapakinggan dahil sa tingin ng iba ay hindi ito kapanipaniwala. Kaya mas pipiliin nalang nitong manahimik kapag natapos na siyang magsalita. Ngunit kung minsan ay naisasakatuparan ang idea ng taong ito kapag nabanggit na ito ng taong may mas malakas na paninindigan sa kanyang mga sasabihin. Pero ang masakit sa loob ay ang taong iyon pa ang mabibigyan ng papuri dahil sa maganda nitong opinyon kesa sa naunang nagsabi nito na hindi lang napakinggan.
Isa rin sa nagpapatibay ng teoryang ito ay kung ang tao ay may takot na mag-isa o may takot na hindi matanggap ng nakararami(Mass Communication Theory: from Theory to Practical Application). Kapag mas maganda ang opinyon ng isa at mas marami ang sumang-ayon dito ay sa kanya ka narin sasang-ayon kahit hindi mo gusto ang idea nito dahil sa ayaw mong maiwang mag-isa.
Dahil sa teoryang ito, napag-alaman ko na isa rin ako sa mga taong nananahimik nalang at hinahayaan na ang iba ang mapakinggan kahit alam ko na mas mainam pa ang aking idea. Hindi man maganda ang ganitong pag-uugali ay mahirap din itong maiwasan lalo na't iniintindi mo ang sasabihin ng iyong mga kasama. At dahil din sa teoryang ito, natutunan ko na hindi dapat ako matigil sa ganoong pag-iisip dahil mas masakit sa kalooban kung hindi ka mapapakinggan. "Learn to Speak-Up", ika nga.
Lahat ng teorya ay isang
teorya upang maging gabay sa ating pamumuhay. Bawat teorya ay may
kanya-kanyang sakop o hangganan. At ang bawat teorya ay maaaring tama o hindi
sa paningin ng tao base sa pagkakaunawa nito. Kaya sa teoryang Spiral of
Silence ay sumasang-ayon ako dahil base sa takbo ng aking pamumuhay ay halos
araw-araw ko itong napagdadaanan sa tuwing kailangan nang magbigay ng opinyon ang bawat isa.
Spiral of Silence
Elisabeth Noelle-Neumann
Sources:
|
Biyernes, Disyembre 27, 2013
Opinyon Mo Yan 2.0...
Mag-subscribe sa:
I-post ang Mga Komento (Atom)
Walang komento:
Mag-post ng isang Komento